Vawiina an Party chhung inkhawmah Pu Lalramliana hian, kum 2018 kumtawpa Assembly inthlanpui zawhfel hnu a\ang khan Zoram mipuite an harhchhuak mek zel tih sawiin, tunah chuan ZPM chu mipuite beiseina leh nghahfak ber Party a ni ta a ni, a ti a. Hun hmasa lamah kha chuan Congress leh MNF khing phak awm lova mipuiin an ngaih avangin an nin tawpah an thlak thleng tawn mai mai \hin a. Tunah erawh chuan ZPM chu Zoram mipui sukthlek chevelin a hrinchhuah a nih ang ngeiin Sorkar thlakna tlingah mipuiin an pawm tawh a ni, a ti a.
Pu Ramliana chuan, Sorkar kalphung dik loh avangin mipui sum tam tak a lo luang ral tawh tawh \hin tih sawiin, NLUP Kutpui buatsaih nana District hrang hranga sum sen ral zat ringawt pawh cheng Vbc. 1 leh Nuai 23 chuang a tling a. Kum 2017 thlenga NLUP \anpuina dawng chhungkaw 1,31,521 hnena sum semral zawng zawng te kha kalphung thar hmalakna hnuaia Thingtlang economy chawi kan dawrhna tham a tling tih sawiin, tun MNF Sorkar Flagship Programme, SEDP pawh hi an Vice President ban takin an policy bua SEDP Delivery system an duan anga zawrh a tum laiin, an pu ber-in cheng nuai 3 sem mai tur angin a sawi a. Zoram mipuite chan loh khanah a chhuak dawn nge, a pheka inziak zawk kha an hmuh chin ni dawn tih pawh a hriat a ni ta loa. Hetiang reng renga Politics hi inbumna hmun leh thudik lo sawina huang, thawkrim lova hausak tumte \anhmun khuarna ni ang hiala mipuiin an ngai hi a pawi a, hei hi ram hruaitu intite mawh a ni tih a sawi.
He inkhawm hi Vice President, Pu Lalhmingliana’n a kaihruai a ni.
