Lunglei South SDEO, Pu Micky Lalenkawla kaihhruai zirhonaah hian Child Rights Protection Cell, SCERT, Lecturer, Pi Zozikpuii’n thusawiin zirtirtute chu zirlai naupang enkawltu an nih avangin naupangten an dikna leh an chanvo an chan theihna tura mi pawimawh an ni a ti a, sorkarin naupangte ham\hatna tura Dan chi hrang hrang a duan te chu \ha taka kenkawh a \ul tih a sawi.
Lunglei Chief Judicial Magistrate, Pi Julie Lalrinzami pawhin thusawiin naupangte humhalhna Dan te chu zirtirtute kut phuarna ni lovin naupangte mipuitling leh chhawr tlaka an \han len theihna tura duan a ni zawk tih a sawi.
Lunglei DCPU, Pi Lalrinkimi leh Child Welfare Committee member Pu Malsawmdawngliana, Advocate te pawhin thu an sawi a, naupangte humhalhna Dan dinglai pawimawh zualte kalkhawmten an zirho a ni.
