Hawnna inkhawm LDCC Vice President, Pu KL Chhawnzauva kaihhruaiah thusawiin Minister hlui, Pu PC Lalthanliana chuan Citizenship Amendment Bill, 2016 duh lova zirlai sing telin kawng an zawh hnu leh NGO Coordination Committee-in Republic Day lawmna boycott hial a tum tawh laia Chief Minister, Pu Zoramthanga’n he bill duh loh lantirna atana ‘a \ul chuan NDA a\angin inhnuhdawh an hreh lo’ tih a sawi chu lungchhiatthlak a tih thu a sawi a, Pu Zoramthanga chu inhnuhdawh hun hre lo Chief Minister-ah a puh a ni. Pu PC Lalthanliana chuan Mizoram Assembly inthlanna neih zawh taka Congress candidate te sorkar siam thei khawpa tam thlantlin an nih loh nachhan chu puhmawh tur dang zawng lovin anmahni an ni tih inpawm turin party hruaitute a ngen a, tunah opposition-ah Congress chu awm mahsela, inthlannaa an chak lohna chu inthlan leh huna an chakna kailawn tura hman thiam tum turin party mite a fuih a ni. He inkhawma thusawitu dang, an party Advisor, Pu R. Lalnunthara chuan sorkar hmasa-in mi retheite dawmkanna tura ruahmanna a lo siam tawhah harsatna \henkhat sorkar tharin a siamsak nia sawiin pawi a tih thu a sawi a ni.
He inkhawmah hian Resolution 5 pass a ni a, chung zingah chuan Pu Lal Thanhawla’n an party a kaihhruaina an rin tawk thu te, Assembly inthlanna neih zawh taka Lunglei District chhunga bial hrang hranga an party candidate vote tute chunga lawmthu sawina te, Citizenship Amendment Bill, 2016 sorkar laipuiin pass a tum dodalna tura sorkar hmasa, Mizoram Assembly leh Tlawmngai Pawl hrang hrang inzawmkhawmte hmalakna an thlawp thu te, MNF sorkar thar lo piang an lawmpui thu te, a khalh ngil tura an hna \ha taka thawh an tum thu te a tel a ni.
