Rural Devolopment Department buatsaihin vawiin khan Lunglei venglaia Cultural Heritage Centre-ah Thingtlang khua te intodelhna ni ‘Gram Swaraj Diwas’ hman a ni. He ni hmanna inkhawmah hian Lunglei SDO Sadar, Pu Lalnundika chuan thu sawiin Dr. BR Ambedkar-a pianchampha ram pum huapa tun thla ni 14 a\anga May ni 5 thleng lawmna atan Gram Swaraj Abhiwan hman mek a nih thu te, he beihpuithlak hi khawtlang lungrualna siamna atan te, mi rethei dawm kan nan te leh sorkar hmalakna hrang hrang mipuite hriattir nan leh an chanvo an chang ngei em tih enfiahna tur a ni nghal niin a sawi a, hemi rual hian faina leh thianghlimna pawimawhzia leh tualchhung roreltu Village Council te chak zawka hnathawk thei tura thiamna niin a sawi a, Ministry of Panchayati Raj chuan he beihpuithlak chhung hian Deparment hrang hrangte tih tur duang chhuakin Ministry a Of Rural Devolopement hmalakna tura a ruat zingah Gram Swaraj Diwas hi a tel a, hei hi vawiin khan District tinah hman niin a sawi a ni. He inkhawm hi DRDA Project Director, Pu K. Lalrohlua’n a kaihruai a, hetah hian Project Director chuan ni za inhlawhna tia hriat, MGNREGA leh PMAY Gramin hnuaia hmalakna te a lem nena entirin a hrilh fiah a, hetah hian Power Deptt. Superintending Engineer, Pu H. Zoliana chuan a lem nena entirin Pradhan Mantri Sahaj Bijili Har Ghar Yojana hmanga thingtlang khua eng la nei lo chhungkua te hnena eng pek dan a sawifiah a ni. He inkhawmah hian Lunglei District-a RD Block hrang hrang zinga Gram Swaraj Diwas hmang \ha ber Lungsen Block hnenah chawimawina Rs. 5,000/- leh Certificate pek a ni a, he scheme hnuaia hmasawnna hna thawk \ha ber Haulawng VC hnenah chawimawina Rs. 5,000 leh Certificate pek a ni bawk.
