He rawtna anga Adhoc Municipality din tur chu Constitutional sanction awm lo a nih avangin an duh lo nia sawiin, hemi duh lohna lantir nan August ni 15-a ram zalenna champha, Independence Day lo thleng tur chu boycott a tum tih an puang. Lunglei |halai Pawl chuan, Independence Day an tum avang hian ram zalenna atana thih thleng beitute leh hruaitu hmasate an zah lo tihna ni lovin an ngaisang in, zahna chibai an buk tih an sawi a. An thil tih tum chu
Lunglei mipuiten hriatpui tur leh a lawma |huamluaia muala neih turah tumah tel lo turin an ngen tih an sawi. Mizoram hian Municipality hi hman a tum a nih chuan ram danpuiin a phal anga thuneihna pumhlum neia siam tur te, The Mizoram Municipality Act, 2007 chu en nawn a, siam\hat ngai laite siam\ha tur leh tun thlenga Trading Regulation Mizoramin a nei lo chu ram, hnam leh sakhaw himna tur ngaihtuahchunga siam thuai turin LTP chuan Mizoram sorkar an phut tih an sawi.
