Mizoram Engineering College hi cheng vbc. 26 sêngin Pukpuia Arsi ramah kum 2016 June ni 18 a\ang khan sak \an niin, nikum November ni 16 khan sak zawh a ni a. A ram zau zawng chu Acre 24.9 niin, Mizorama Professional Enginnering College hmasa ber a ni a, Building sak zawh takah hian Administrative Block, Academic Block, Laboratory, Library, Cafetaria, Student Common Room, Boys Hostel leh Girls Hostel-te pawh a tel a, zirlai 300 vel awm thei tura ruahman a ni a, Department 3- Civil Engineering, Electrical Engineering leh Mechanical Engineering Department hawn tura ruahman niin, Sorkar laipuia Ministry of Human Resource Development chuan kum 2019-20 Academic Session a\anga Temporary Class tal \an turin a duh a, hei hi bawhzuiin Higher and Technical Education Department chuan a bul\an nan Civil Engineering Department-ah Class \an phawt se tiin Mizoram Sorkar-ah rawtna thlen tawh a ni. Hetihlai hian, Temporary Class \an a nih hmain State Sorkar-in a panna kawng km. 3-a thui blacktop te, tui connection pek leh tui dahkhawlna siam leh, electric pawh leh transformer bunte a tihfel phawt a ngai a ni.
Prime Minister-in ram chhung hmun hrang hrang Project a ruala a hawn pual hian Mizoramah pawh Secretariat Conference Hall-ah Higher & Technical Education Minister, Dr. R. Lalthangliana hovin hun hman tura tih a ni a, hetiang ruahmanna hi siam ni mah se, huntiama hawn a nih loh avangin hawn a nih lai hian Minister, Dr. R. Lalthangliana chu a awm lo a. Hawn a nih lai hian Minister awm lo mah se, Higher and Technical Education Department hotute bakah MZU University, RUSA, Lunglei District aiawh leh Official \hahnem tak an awm a ni.
