Lunglei North bialtu MLA, Youth Commission Chairman, Dr. Vanlaltanpuia’n Lunglei Civil Hospital-a hman tur PPE engemaw vawiin khan a hlan a, Medical Superintendent, Dr. SR Ngurchamliana leh thawktu dangten an dawng a ni.

Dr. Tanpuia hian hri leng laka himna turin sorkarin hma a la a, a tih theih ang ang a tinghal zel a ni a ti a, PPE te chu Delhi-ah state hrang hrangin an inchuh niin a sawi a, damlo enkawltu tumahin hrileng an kai loh avangin, Mizoram sorkarin PPE a lei te chu a him tawk a nih hmel a ni a ti. Covid-19 do kawnga Mizoram mipuite tanrualna chu chhuanawm a tih thu Dr Tanpuia hian a sawi.