Lunglei North bialtu MLA Dr. Vanlaltanpuia, Mizoram Youth Commission (MYC) Chiarman in vawiin khan Christian Hospital Serkawn-a thawktute tan hri leng laka invenna thuam, Personal Protective Equiptment (PPE) Set 200 a hlan.

PPE set inhlannaah hian BCM General Secretary Pu F. Ramdinmawia leh AGS Pu Lalbiakliana te pawh an tel a. Christian Hospital Serkawn-ah hian khum 12 chu damlo dang chimbuai loh a, Covid-19 nia rinhlelhte awmna tura ruahman a ni a, ICU an neih sa pawh an dah awl a, tunah hian ICU thar khum pahnih leh hmanraw dangte chu hman theihin an peih tawh a ni.