Lunglei MNF Sub-Hqrs Office Bearers ten vawiin khan Lunglei Hnam Runah meeting neiin hun reilotea Lok Sabha inthlanna neih tur chungchang an sawihova, an Party Candidate thlan tlin a nih ngei theih nan Party hnathawktu zawng zawngte chu \hahnemngai taka hna thawk turin an fuih a ni.

He inkhawm, Lunglei Sub-Hqrs President, Pu Lawmawma Tochhawng kaihhruaiah hian Congress sorkarin inthlan dawn hnaia party mite duhsakna hna a sem atana sum dah te sorkar tharin chhuhleta, kawng chhe siam\hat nan a hmang te, sorkar damdawi ina thisen sawngbawlna man lak \hin tihtawp a ni te leh Aizawl khawpuia Traffic jam nasa tak tihziaawmna tura Chief Minister, Pu Zoramthanga hmalakna chu lawmawm an tih thu an sawi bawk.