Lungleia World AIDS Day hmanna inkhawm, Saikuti Hall-a buatsaih chu Social Welfare Minister, Pu PC Lalthanliana’n a hmanpui a, HIV/AIDS hluar zel tur ven nan MLA tinin an Local Area Development Fund a\angin Rs.1,00,000/- \heuh an thawh niin a sawi. He inkhawmah hian NETSU District Programme Officer, Pu R. Lal\anpuia’n Mizoram pumah thisen enfiah tawh mi 6,34,201 a\angin HIV/AIDS vei, mi 15,633 hmuh niin a sawi a, Lungleiah pawh HIV/AIDS vei, mi 976 chhinchhiah niin a sawi. Additional DC, Pu Benjamin Lalzama leh Sub Hqrs. YMA President, Pu R. Lalnunthara te pawhin thu an sawi a, mipat hmeichhiatna hman khawloh leh ruihhlo khawih a\anga he natna hi kai a nih avangin nun dan dik leh \ha ngai pawimawh turin mipuite an chah a ni. He inkhawm hi NGO Co-Ordination Committee Assistant Secy., Robin Lalrammuana’n a kaihruai a ni.
Champhaiah chuan Venglai Community Hall-ah he ni hi District AIDS Prevention and Control Unit huaihawta hman a ni a, Dist. Bawrhsap, Pu Vanlalngaihsaka chuan kumina he ni thupui chu, ‘Nihna anga lan ngamna, mawhphurhna hlen ngam leh thawhhona \ha’ tih a ni tih sawiin, he natna a darh zau zel loh nan hian inven a \ul thu te, he natna hian Mizoram a luhchilh tawh thu leh inthlahdah lova englai pawha invenga fimkhur taka awm a \ul thute a sawi a ni.
