UD & PA Department-in Mizorama Census Town 23 huama khawpui fai inelna a siamah Lunglei khawpui chuan khaw fai ber nih tumin \an a la zui zel a, Lunglei District Sanitation Task Force chuan an Chairman, Lunglei Bawrhsap, Pi Lalzarmawii kaihhruaiin tun thla ni 6 khan faina beihpui, Thematic Cleanliness Drive an \an a, VC, YMA leh MHIP \angho chuan veng tinah faina hnatlang ngawrh takin an nei chho zel a, banner-te siamin hnatlangte hian khawlai an thenfai bakah tuihawk luankawr te thlengin an tifai a, bawlhhlawh bawm siamin a bawma bawlhhlawh paih turin mipui an zirtir a ni. Lunglei khawpui chhunga VC 24 te chuan tlawmngai pawlte nen \angrualin an huam chhung \heuhah hnatlang kohin faina beihpui an thlak chho mek a ni.
