Lunglei High Powered Committee Vice Chairman Pu Lawmawma Tochhawng in Lunglei District-a sawrkar Dept tinin hmasawnna hna an thawhte enpui turin Lunglei HPC chu mawhphurhna sorkarin a pek belh tih a sawi.

HPC hian Dept hrang hrangte hnathawh dan a enpui thin dawn a, Dept hrang hrangte hnathawh leh sum hman danah fel fai, lang tlang a awm theihna turin sorkarin he ruahmanna hi a siam tih vawiina Lungleia an party office Hnam Run inkhawmah a sawi.

Pu Lawmawma Tochhawng chuan Lunglei ah Municipal Council hman thuai beisei a ni a ti a, Mizoram sawrkarin traffic jam nasa lutuk leh motor parkna hmun chep lutuk sutkianna tura ruahmanna a siam Parking House Support Scheme ( PAHOSS) chu Lungleiah pawh kalpui ve a ni dawn ith a sawi a, a bul \an nan cheng nuai 500 dah fel tawh a ni a ti.