Lunglei East Constitutuency huam chhung Rotlang leh Leite-ah Lungleia ZPM Southern Hqrs. bultumin nimin khan Local Steering Committee din a ni.
A hmanpuitu, he bial vil tura ZPM-in a ruat Pi Lalrinpuii chuan, State dangte changkan chak dan te, \halaite tana hnathawh tur an siam dan te, kut hnathawktute an ngaihpawimawh dan leh an khai chhuah dan chu ram hruaituten an duh a nih chuan Mizoramah pawh tih ve theih a ni tih chu a ngaih dan a nih thu a sawi a. Tuna ram kaihruai mektute hian Lalna leh thuneihna neih nawm zia an hriat tawh avangin mipuite chu an intodelh a nga, an ding chhuak ang tih an hlauh zawk nia a lan thu sawiin, an mahni ngheng lo thei lo leh an lak a kutdawh lo thei lo turin mipuite siam an tum niin a sawi a. Pathian leh mipui zara |angrual Pawl-in thuneihna a chang a nih chuan zirna \iam \hat tur te, kut hnathawktute khai chhuak leh mipui hnena thuneihna tak zawk pe tura Panchayati Raj kalpui a nih tur thu a sawi.
