Lunglei District High Powered Committee sum, Rs 1,58,80,000/- senga sak, sorkar building thar 3 chu nimin khan CM-in a hawng a, hengte hi Rs 65,80,000/-senga sak, Lunglei Power Department SE Quarters te, Rs 48,00,000/- senga sak Lunglei Civil Hospital Medical Superintendent Office leh Rs 45,00,000/- senga sak, District Veterinary Officer Office-te an ni. Pu Lal Thanhawla chuan heng building 3-te hi a hmunah vek a hawng a, a hawnna inkhawma thu sawiin, Lunglei Dist. High Powered Committee sum hmanga ro tling tur in sak a ni chu mipuite tana \ha zawka hnathawh theihna tur leh, hnathawktute tan pawh phur zawka hnathawh theihna tur a nih a beisei thu a sawi a, NITI Aayog-in state hrang hrang dinhmun a zir chiannaah Mizoram chu ei leh in lam chhiat avanga hriselna \ha tawk lo tlemna ber nia sawiin, kum 2013 atanga kum 2016 thleng khan India rama state hrang hrang hrang zinga Gross Domestic Product pung chu 4 chauh an ni a, chung zingah chuan Mizoram pawh a tel a, state dangte chu Jharkhand, Tripura leh Gujarat niin a sawi a ni. Chief Minister chuan kum 2016-2017-a National Domestic Product \hanna chu za zela 7.6 a nih laiin Mizoram state Per Capita Income \hanna chu za zela 9 chuang a ni a, nakkumah chuan a punna hi za zela 10 a tlin a beiseiawm niin a sawi bawk. Pu Lal Thanhawla chuan ram zalen hma khan Mizoram chhim lam chu Mizoram chhuahka leh sumdawnna hmun pawimawh a nih \hin angin Asia chhim lam ramte pawh tur, Multi Modal Transit Transport Project kawngpui hawn a nih hunah chuan Mizoram chhim lamah hmasawnna nasa tak a thleng dawn niin a sawi a, heta tan hian kawlphetha lama Mizoram chu a inpuahchah lawka Tuirial Hydel Project kawlphetha, megawatt 60 pe chhuak thei tur chu nakkum kumtirah hawn tum niin a sawi a, Vankal ramah ni zung chakna hmanga kawlphetha siam chhuahna tur siam mek a nih thu te, Tuirini Hydel Project, kawlphetha megawatt 25 pe chhuak thei tur siam tum a nih thute a sawi bawk. He inkhawmah hian Lunglei High Powered Committee Vice Chairman, Pu S. Laldingliana leh Pu Joseph Lalhimpuia MLA pawhin thu an sawi a ni.
