A hmanpuitu MPCC Media Department Chairman, Pu Lallianchhunga chuan, Mizoramin sum leh pai enkawl kawnga nasa taka harsatna a tawh \hin chu 2008-18 chhung khan a insawhnghet hman viau a, State sorkar sum thawhchhuah, Gross State Domestic Product phei chu kum 2014-18 inkar khan kum tin zaa 12 zeta \hang anga chhut a ni, a ti. Pu Lallianchhunga chuan, kum dangah chuan Sorkar inrelbawlna senso chu sum hman tur zawng zawng a\anga zaa 67 vel a nih \hin laiin, kumina MNF sorkar budget tharah hian zaa 78.59-ah a kai chho a, hmasawnna hnathawhna tur chu za 20.45 chauh tling ta tih a sawi a. Sorkar Flagship Programme, SEDP kalpui nan Rs. vbch.750 dah a ni a; hei hi kawng hrang hranga hmalakna tur atan \hensawm leh niin, Rs. nuai 3 sem tih lam a lang ta rih lo a ni, a ti a. SEDP a sum dah tam tak chu sorkar hnathawh pangngai, Revenue Expenditure a awm tur a ni a, mipui hmuha Revenue Expenditure sang lutuk tur thup nan SEDP huanga Capital Expenditure anga lang tura dah mai mai niin a lang tih a sawi. Thingtlang lama VC-ten a taka hmasawnna hna an thawhna tur, LAD Department Budget-ah kum hmasa khan Major Works atan Rs. nuai 5,100 dah a nih laiin, kuminah erawh cheng khatmah dah a ni lo thung tih a sawi. Pu Lallianchhunga chuan, kum 2019-20 chhunga Mizoram Budget pharh takah GST a\anga sum hmuh zat beisei Rs. vbch. 355 chu hmuh theih a beisei awm lo hle tih sawiin, Central sorkar pawhin GST a hmuh a inbeisei zat a hmuh phak loh laia GST a\anga sum hmuh beisei tarlan chu tam lutuk nia a hriat thu a sawi. Chhiah ni thil dang a\anga sum hmuh tur, Non-Tax Revenue zaa 42-in a pung a, heti chung hian Bill hrang hrang tih san tum a ni lo thung a, hei pawh hian ngaihtuahna a tibuai hle a ni, a ti.
He zir hona hi LDCC Media & Communication Chairman, Pu KL Chhawnzauva’n a kaihruai a, MYC Chairman hlui MPCC General Secretary, Pu Joseph Lalhlimpuia pawhin thu a sawi a. Budget chungchang an sawi ho bakah zawhna leh chhna hun hman a ni bawk.
