Lunglei District Congress Committee LDCC Vice President Pu KL Chhawnzauva’n Central-a BJP sorkar in India ram a hruai tum dan hmu reng chunga dodal ngam lo leh dawi aw chhuaha thlawp zelah MNF sorkar a puh.

Lunglei Congress Bhawan-a thu sawiin Pu KL chhawnzauva hian MNF party chu an ka chauh-a CAB/CAA duh lo leh dodal ber ang maia inlantirah a puh a, a thlawptu an ni si a ni a ti a, an pu ber pawhin an MP pawh an vote tir a ni tih a sawi ngam a ni a ti a, CAA duh lo a, dotute chu an duh leh Bangladesh ah te Myanmar ah te pem mai se ti tein an \awng niin a sawi a. CAA dodaltute chu khawiah mah an pem an phal lo a, an do zel dawn zawk tih a sawi.