An inkhawmnaah hian DHO Pu L. Lalhmingmawia Pachuau chuan, Lunglei District-in Dragon Fruits a tharchhuah chu quintal 119 a tling a, hei hi a rah \an tir chauh a nih avangin hun lokal turah tun aia tam zawk tharchhuah zel an beisei tih a sawi a. Serthlum erawh tunhma an thar \hin an pha lo deuh a, cheng nuai 256 man tharchhuah a ni a, a thar tam ber khua Muallianpui-in cheng nuai 21 man an hralh a, tih a sawi.
Lungleia Centre of Excellence for Fruits chu Central Institute of Horticulture-in a enfiah hnuah Accreditation Nursery Certificate pek an nih thu leh helai hmun a\anga thlai chi thar chhuahte chu State pawna supply thei tura pawm a nih thu DHO chuan a sawi.
Kumina Mizoram pum huap Horticulture Fair Aizawla neihah Lungle Horticulture Department hi pahnihna an ni a,Lungleia DHO Office chu kumin faina hapta-ah khan Lungleia Office fai bera thlan an ni bawk.
