Lunglei Disrict-a Haulawng khuaah tun thla ni 8 vel a\ang khan rannung seh natna, Scrub Typhus a len avangin mi 78-in he natna hi an kai tawh. Integrated Disease Surveillance Programme hnuaia Mizoram State Nodal Officer, Dr. Pachuau Lalmalsawma hnen a\anga thu dawn danin, he natna leng avanga damlote enkawl tur hian vawiin khan Lunglei a\angin Doctor leh he natna veite zawng chhuaktu tur, Technician-te tirh an ni a, vawiina an dinhmun enfiah tura inziak lut mi 163 zinga 89 chu vawiin chawhnu her thleng khan enfiah tawh an ni a, an zinga 45 chu rannung seh natna, Scrub Typhus vei an ni tih hmuh chhuah a ni a, hemi hma hian mi dang 33 hmuhchhuah an lo ni tawh a ni. He natna avang hian thi an la awm lova, a \hen chu damdawi inah enkawl an ni a, a \hen chu anmahni in-ah enkawl an ni. Dr. Pachuau Lalmalsawma chuan amah leh Doctor dang, Entomologist bakah mi pawimawh dangte hruaiin naktukah Haulawng pan a tum thu a sawi a, he natna hi tuhrik seh vanga awm nia sawiin, sikserh hrik pai, thosiin mi a seh avanga damlohna a thleng thei ang hian tuhrik seh avang pawhin hetiang natna hi a awm thei niin a sawi a, enkawl \hat chuan awlsam taka dam leh thei niin a sawi bawk. Haulang Village Council hotute leh YMA hruaitute hnen a\anga ZONET thu dawn danin, he natna veite hian a tlangpuiin khawsik sang vak lo, khuh leh hritlang khawsik ang deuha damlo, ruh chuktuah na leh thawhah an nei a, a \hen chu ding chunga na ang chauhin an awm bawk. He natna vei enfiahna hmanrua, test kit hi pakhat Rs.400/- man a ni a, Haulawng damdawi inin a ngah tawk lo tih hriain bialtu MLA, Pu PC Lalthanliana’n 400 a thawn belh a ni. Puan tawh angin Aizawl District-a Phullen khuaah pawh rannung seh natna, Scrub Typhus hi tun thla tir khan a lo leng tawh a, mi 70 chuangin an vei a ni.
