He inkhawm NGO Coordination Committee Secretary, Pu Ngurthansanga Sailo
kaihhruaiah hian he Electoral Roll copy hi hal a ni. Thusawiin Pu Ngurthansanga Sailo chuan Electoral Roll ennawnna neiin sorkar hnathawkten dik leh felfai takin Electoral Roll an siam \hin a, tun \uma Bru Camp-a kal chilha hearing mumal nei lova Lunglei District Electoral Roll-a mi 203 thun an ni mai chuan Mizo mipuite rilru a tina hle niin a sawi a, he thil dik lo hi dan anga paih a nih theih nan Gauhati High Court Aizawl Bench-ah vawiin khan PIL thehluh niin a sawi a, he thil dik lo hi a tawp thlengin NGO Coordination Committee chuan a dodal dawn tih a sawi. He inkhawma thusawitu dang NGO Coordination Committee Joint Secretary, Pu Eric Lalmuanpuia chuan tuna Electoral Roll-a thun thar te zingah hian kum 30 leh kum 50 inkar tam tak an awm a, Electoral Roll hi kum tin ennawn a nih \hin avangin thun thar zinga mi upa tak tak awm hian dan phal loha thun thar an awm tih a tarlang niin a sawi a, Lunglei Bawrhsap tirha SDC pakhatin appeal siam hun pawh nilovah Bru Campa kal chilhin Electoral Roll-ah mi heti zat a thun hi Mizo hnam pawisawina niin a sawi a ni. NGO hnatlang hi boruak \ha leh ralmuang tak hnuaia neih a nih theih nan tlawmngai pawl hrang hrang 5-a Executive Committee member chin chauh an thawk chhuak a ni.
