Bawrhsap chuan tuna mi 43 hmuh chhuah tharte hi Lunglei Govt College Quarantine Centre-a awm mi 35, Eklavya Pukpuia awm 3, Govt, High School Chanmaria awm mi 2, BCM Electric Veng Quarantine Centre-a awm mi 2 leh Home quarantine mi pakhat an ni a ti a, State hrang hrang pakua a\anga haw an nih thu leh an zinga mi 24 te chu Delhi a\anga haw an nih thu thuthar thehdarhtute chu a hrilh bawk.
Bawrhsap chuan ETC, SIRD Pukpuia Covid Care Centre chu Dedficated Covid Health Centre a tana puan a ni tih a sawi a, Lunglei Govt. College chu Covid Care Centre atan puan nghal a ni a ti. Lunglei District atanga Covid-19 hmuhchhuahte hi hengah te hian enkawl an ni a, tunah chuan dinhmun ngaihtuah awm an awm lo tih a sawi.
Lunglei District-ah hian PCR test tura sample lak tawh mi 738 an awm a, result 434 a chhuak tawh a, ni 14 quarantine centre a lo awm tawh, PCR la tih loh in lama chhuak tawhte chu vawiin khan an sample an la leh vek a ni. Lunglei District-ah hian Quarantine Facility-ah mi 271, Community Quarantine Centre-ah mi 213 leh Home Quarantine mi 100 an awm mek a ni.
