Bawrhsap chuan Lunglei District huamchhunga Assembly Constituency 7 tan Returning Officer 4 dah a nih thu te, Polling Station 185 siam a nih thu te, bial 7 ah vote nei mi 1,04,863 an awm thu te sawiin Polling Station tinah EVM leh VVPAT hman tum a ni a ti. Kumin inthlanpui neih turah hian pianphunga rualbanlo leh taksa lama harsatna nei ten vote an thlak theih nan ruahmanna a hrana siam a ni tih a sawi bawk. Bawrhsap chuan kum 2013 inthlanna a vote tla za zela 84 chu kumin hian khumin za zela 90 vel a tlak an beisei tih a sawi.
Chanchinbumite kawmnaah hian Lunglei SP Pu C. Lalthanmawia pawhin inthlanna felfai leh muanawm a awm theihna tura ruahmanna siamte a tarlang bawk a ni.
