HRD Ministry-in MZU Vice Chancellor hnena lehkha a thawnah Lungleia MZU southern campus din hi a thuphunga phal a ni tih tarlan a ni a, campus dinna tur ram chu Mizoram sorkarin a thlawna a pek tur a ni ang a, campus thar cheibawl hna chu Higher Education Financing Agency (HEFA) sum hmanga thawh tura ruahman a ni.
HRD Ministry lekhaa tarlan a nih danin, Lungleia MZU Southern Campus din phalna hi Mizoram Higher and Technical Education Minister Dr R Lalthangliana’n nikum October thlaa DO letter a thawn leh MZU Vice Chancellor in December thlaa lehkha a thawnte bawhzuia tih chhuah a ni a, a, HRD Ministry chuan southern campus dinna tur ram ruak a awm ngei a ni tih finfiah phawt turin Mizoram University Vice Chancellor chu a hriattir a ni.
MZU hotute hnen a\anga Zonet thudawn danin Mizoram sorkarin ram a pek theih chuan a bak zawng chu State sorkarin sum a sen belh ngai tawh lovin, University in a thawh chhunzawm tawh tur a ni.
Lunglei-a MZU Sourthern Campus din tuma hmalakna hi a hlawhtling a nih chuan zirlai tam zawkin admission an hmu thei dawn a, a bikin chhim lam mipuite tan a \angkai hlei dawn a ni.
Higher and Technical Education changtu Minister Dr. R. Lalthangliana chuan Lungleia MZU campus a awm theihna tura hma lo la tawhtute zawng zawng chungah lawmthu a sawi a, Pu Thangtea hian nimin khan New Delhi-ah Ministry of Human Resource Development a Joint Secretary, JC Hosur a kawm a, kum 10 chuang zet MZU Southern Campus din theih nana Mizoram Vice Chancellor leh mi thahnem ngaiten hma an lo lak tawhna te, Chief Minsiter Pu Zoramthanga pawhin sorkar laipuia a lo thlen tawh MZU Campus Lungleia din chungchang hi a bawhzui a, MZU Southern Campus din phalna lehkha hi tih chhuah a ni ta tih sorkar thuchhuahah tarlan a ni.
