Lungdai khaw mi, kum 14 leh 24 inkar, ruih theih thil leh zuk leh hmuam laka fihlim, mi 75 chawimawina leh, Kolasib District chhunga khaw faiber an nih lawmna inkhawm, Lungdai YMA Hall-a buatsaih chu nimin khan CM-in a hmanpui a, Sakawrhmuituai tlang chu cheng vbc. 939 senga sak tur Eco – Adventure Tourism Circuit 9 siam turte zingah a tel avangin khualzinte hmunpui a ni dawn niin a sawi. Indian Society on Tobacco & Health, Mizoram President Pi Lal Riliani pawhin faina, ruih theih thila fihlim leh vaihlo kaihhnawih thila fihlim kawngah te khaw dangte entawntlak ni zel turin a chah a ni. Lungdai khua hi in 556 khua, mihring 2,600 vel awmna a ni a, Lungdai VC chuan Sakawrhmuituai Tlang a\anga Aizawl leh Aizawl hmar lama khaw \henkhat, tui harsatna hmuna lei hipna hmanga tui pek dan tur an ruahman, Concept Paper chu Chief Minister Pu Lal Thanhawla hnenah an lo hlan a ni.
