Jharkhand CM hlui, Madhu Koda chu lungalhthei khur sem dana thil fel lo nia sawi thubuaiah thiam loh chantir a nih hnuah, kum thum tang tur leh cheng nuai 25 chawi tura tih a ni a, hemi chungchang ngaihtuahtu, Special CBI court-in a thup>k hi vawiin khan a puang a ni. Puan tawh angin, tun hnaiah Koda hi Jharkhand Coal scam an tih thubuaiah thiam loh chantir a ni a, CM a nih laia Kolkata-a company pakhat, Vini Iron and Steel Udyog Ltd. hnena Rajhara North lungalhthei khur p>k a nihnaa thamna inp>k lian tak a awm nia sawi a nih avangin thubuai siamsak a ni. Koda b^kah hian Union Coal secretary hlui, HC Gupta, Jharkhand Chief Secy hlui, AK Basu leh Vini Iron and Steel Udyog Ltd hi thiamn loh chantir an ni.
Madhu Koda chuan CBI Special Court-in a chunga ro a rel dan chu a lungawi loh thu leh, Delhi High Court-a thlen a tum thu, vawiin khan a sawi a, Madhu chuan thubuaiah hian thiam chantir a nih a beisei hle laia thiam loh a chang ta mai chuan a tihnual hle tih a sawi. Court thutlukna chungchang chu sawi chhunzawm a duh loh thu leh, phalsak a nih angin, High Court-ah a thlen tur thu a sawi a, a thubuai vanga a bank account khawih chet theih loha hrensak a nih avangin, bail a nihna tur pawisa pawh a pek theih loh thu leh kawng dang a dap a ngaih thu a sawi bawk a ni.
