Lucknow-a King George’s Medical University-a thawk Doctor, Covid-19 kai enkawl dam tawh, Dr. Tauseef Khan chuan Covid-19 kaite Plasma Therapy hmanga enkawl an nih theih nan a thisen a pe a, Covid-19 kai enkawl dam tawhte pawh damlo dangte enkawl nan an thisen pe turin a ngen.

Dr. Tauseef Khan hi King George’s Medical University-a thawk a ni a, a thawhna university hian Covid-19 enkawlna tur damdawi in leh test-na tur laboratory hrang a buatsaih a ni. Dr. Khan hi UP-a doctor zinga coronavirus kai hmasa ber a ni a, coronavirus kai damlo a enkawl a\angin a kai a ni.

Dr. Khan hian ni 21 chhung isolation-ah a awm tih a sawi a, chumi hnuah in lamah ni 14 chhung a inkhunghrang a, tunah chuan a dam chiang tawh tih a sawi a, a thisen chu midangte nun chhan nan a hlan tih a sawi.