Hawnna inkhawma thusawiin, Minister chuan, Cooperation Department hnuaia Society hrang hrang enkawltu Board of Directors-te chu mahni hlawkna chauh um lo turin a chah a, an mawhphurhna chu mipui rawngbawl a nih angin anmahni hlawkna tur dah \haa, mipui tam zawkin an chhawr \angkai theih dan tur ngaihtuah \hin turin a chah a ni. Pu C. Lalrinsanga chuan, Housing Federation chu din thar leh \ul a tih thu sawiin, sorkar puihnaa Housing Loan pek chhuah \hin pawh LAD leh UD&PA kutah dah rih a ni a, hei hi \ha viau mah se, awlsam zawka mipuiin an chhawr \angkai theih nan Housing Federation chu din thar leh \ul a tih thu a sawi a ni.
Hawnna inkhawm hi Luangmual Multipurpose Cooperative Society Ltd. Chairman, Pu R. Thantluanga’n a kaihruai a, Mizoram Cooperative Apax Bank Chief Executive Officer, Pu Lalzuahliana pawhin thu a sawi a ni. Govt. Deputy Chief Whip, Pu Lalrintluanga Sailo MLA leh AMC ward No. 11-na Councillor, Pu H. Zonunsanga pawh an tel a ni.
Luangmual Multipurpose Cooperative Ltd. hi kum 1997 khan Luangmual Primary Cooperative Society Ltd. tih vuaha din \an a ni a, kum 2010-ah Luangmual Multipurpose Cooperative Society Ltd. tih vuah a ni a, Society dawr siamin nung takin an kal mek a ni.
Luangmual Multipurpose Cooperative Society Ltd. hotute chuan, an Bank-ah hian a duh a piang tan Account hawn theih a ni tih an sawi a, an pawisa dahte chu kum tin zaa 4.5 zel a pung dawn nia sawiin, Loan pawh an pechhuak thei a, an loan pekchhuah chu thla tin Rs. 2 zelin a pung dawn niin an sawi a, hei bakah hian an Bank-a pawisa dah duh, a hmuna kal remchang lote tan pawh Piggy Bank siam tur a ni a, an awmna hmunah khawn chil an ni dawn niin an sawi a ni. NABARD chuan Luangmual Multipurpose Cooperative Society Ltd. enkawl Society Bank hi Computerised Bank atan a thlang nghal a, chu atana Computer leh thil \ul dangte chu a thlawnin an tum sak vek dawn a ni.
