Lt Governor in mahni thua thutlukna siam theihna tur thuneihna a nei lo a, council of ministers thurawn angin thutlukna a siam tur a ni tih Supreme Court-in a sawi.
Delhi Sorkarin ngenna a thehluh ngaihtuahin he thutlukna hi supreme court chuan a siam a, Delhi High Court chuan Lt Governor chu Delhi-a sorkar thuneitu lu ber, Administrative Head ah a lo puang tawh a, he hi supreme court hian a hnawl a ni. Chief Justice Dipak Misra kaihhruai Judge panga awmna bench chuan thutlukna hi a siam a, Delhi Lt Governor thil tih dan chu sorkar kalphung pangngai dodalna a ni a ti a, Council of Ministers thutlukna zawng zawng chu Lt Governor hnenah thlen vek tur nimahse, hei hi Lt Governor pawmpui vek a ngai tihna erawh a ni lo tih Supreme Court chuan a sawi a, ram chungchang leh dan leh thupek kenkawhna tih loh thil dang zawngah chuan Delhi sorkar chuan amamawh ang dan siamin ro a in rel thei a ni a ti.
Delhi Chief Minister Kejriwal leh Lt Governor te chu rei tak thuneihna thuah an lo inhruipawh tawh a, tunhnaiah Kejriwal hian ni 9 chhung Lt Governor office ah lungawi lohna a lo lantir tawh a, AAP chuan BJP kaihhruai central sorkar chu Kejriwal-a sorkar thutlukna siam reng reng Lt Governor hmanga hnawl sak zel tumah an puh a ni.
