He kawngzawh, CPI(M) te puihnaa All India Kisan Sabha te huaihawt tur, Kisan Long March-2 tia koh hi ni 9 chhung a awh rin a ni a, thla 12 chhunga lungawi lohna lantir-a an kawngzawh vawi 2-na tur a ni. AIKS te chuan nikuma an kawngzawha an phut, sorkarin loneitu loan rul thei lo te rulhsak te, sorkarin an thlai tharte man bihthliah sa-a leisak te, tui lakna \ha zawk siamsak te leh loneitu upa tawhte pension pek te chu sorkar laipui chuan a tihhlawhtlinsak lo niin an sawi.
Nimin khan Nashik-ah Maharashtra minister Girish Mahajan chuan AIKS te hi a hmu a, AIKS president Ashok Dhawale chuan sorkar chuan an thil phut za-a 80 vel chu an pawmsak hmel niin a sawi, minister Mahajan hian Chief Minister Devendra Fadnavis-a a hmuh phawt a ngaih thu leh intiamna chu ziaka pek an nih tur thu a hrilh tih a sawi. sorkar intiamna thu an dawn hma chuan tukin a\anga tan kawngzawh hi tihtawp an tum loh thu a sawi bawk.
