London lei hnuai relah vawiin khan bomb a puah avangin mi engemawzat an hliam. Police te chuan, he thil hi mi firfiakte thil tih niin an sawi a, mi engemawzat an kàng a, thisen chhuak an tam hle bawk. Parsons Green station-a he thil thlengah hian bomb a puah hnuah kangmei a chhuak a, hmai leh sam kàng chunga rel a\anga tlan chhuak an awm nual a ni. PM, Theresa May chuan zaninah hian Cabinet meeting hmanhmawh a ko nghal a, bomb puahna hmunah hian Police, silai keng leh ui fingte tirh nghal a ni. Police te chuan bomb puah dan leh kangmei chhuah chhan chiah hi sawi theih a la ni lo tih sawiin, bucket pakhat, in satute hman \hin ang deuh, electric hrui ni awm tak invuah hmuh a nih thu an sawi bawk. Parsons Green station hi khar nghal a ni a, mipuite chu awm hnai lo tura hriattir an ni. Hei hi thla 6 kal ta chhunga Britain rama mi firfiakte pawi khawih vawi 5-na a ni tawh a. British Foreign Secretary, Boris Johnson chuan mipuite chu phawklek lo turin a ngen a, amah hi London Mayor hlui a ni. He thil thlen veleh hian mi tam tak chu hlauthawngin an au chel chul a, hliamte chu damdawi in panpui an ni.
Chanchin Thar London lei hnuai relah bomb puak
