Lok Sabha rorel inkhawm-ah hian Delhi-a tharum thawhna thleng chungchang sawi chhuah phutin eptute an au chhuah avangin rorel inkhawm a la tluang thei chuang lo a, Speaker Om Birla aiawha rorel inkhawm kaihruaitu BJD hruaitu B Mahtab chuan eptute chu house rorelna kalpui remti turin a ngen a, sorkar chuan Delhi tharum thawhna chungchang bakah coronavirus chungchang pawh sawihona hun siam a tum a ni a ti a, house-a member \henkhat khawsak dan chuan Speaker pawh a ti lungni lo hle tih a sawi chhuak a ni.
Lok Sabhaah hian eptu member te chuan mi 49 thihna Delhi tharum thawhna chungchang sawiho an phut a, Speaker Om Birla chuan Holi zawh hnuah sawiho a ni ang tih a lo sawi tawh a, speaker thutluknaah hian eptu member te hi an lugawi lo a ni.
Rajya Sabhaah pawh rorel inkhawm a kaltluang lo hle a, Congress leh eptu member dangte chuan Delhi tharum thawhna thleng sawiho phutin an au rual a, Chairman M Venkaiah Naidu chuan member te chu parliament a ni tih hre thu leh bazar a ni lo tih hre turin a hrilh a ni.
