Thuampui Project Puhspak hmun, nimina a tlawh hian Chief Engineer Manv Prasad leh Officer rual ten an lo dawngsawng a, kawng an siam dawna a sut tur ram neitute nena inremna an nei mai thei lo \hin chu an hnathawh ti muang \hintu a nih thu an lo hrilh a, ram lakna turah pawisa pek tur awm mahse a hmun hma chinfel kawngah harsatna an tawk \hin niin an sawi. Pu C.Lalrosanga chuan BRO Project Pushpak ten an harsatna a hnena an thlen te chu a theih anga bawhzui a tum tur thu leh Defence Ministry ah pawh a thlen tur thu Pushpak hotute chu a hrilh a ni.
Pushpak a tlawh hnu hian Pu C.Lalrosanga chuan Zokhawsang a Assam Rifles te insawnna tur hmun a tlawh nghal a. Sipai chenna tur hmunhma leh in te hi kumin November thla chhunga luah theih a peih hman an rin thu contractor ten an lo hrilh a ni.
