Vawiin a Hnam Run inkhawmah sawiin Pu C. Lalrosanga chuan, a tawn ngai loh boruak a tawnah Pathian awmpuina nasa takin a chang tih a sawi a, “I fel zia chu eng angin a lan chhuah tir anga, i thiam chan zia chu ni eng angin a lanchhuah tir ang” tih chu harsatna a tawh laia a thu dawn a nih thu a sawi a, rilru dam takin a awm theih phah tih a sawi a, beihna leh diriamna a tawh avanga amah \antu rilru na te pawh dam se a duh tih sawiin an dikna leh felna te chu a hun takah Pathianin a lantir dawn a ni a ti.
Pu C. Lalrosanga chuan, Parliament Committee peng hrang hrangah member a ruat a nih thu a sawi a, heng zinga Coal & Steel lamah member a nihna chu Mizoram tan a theih anga hman \angkai a duhthu sawiin hemi kawnga hmalakna tur awm hria chuan thurawn pe tura a duhthu a sawi a ni. Pu Rosanga chuan, “North East tana Central Budget zaa 10 dah, vaibelchhe tam tak hman lo ah awm chu hmarchhak MP te pawhin an sawikhawm tawh thu leh Union Finance Minister Nirmala Sitharaman hnenah pawhah pawh an thlen tawh tih a sawi a, Finance Minister pawhin hmalak a tum thu a lo hrilh tih sawiin “Pathianin Mizoram chu siam a tum a, a thlahthlam dawn lo, a ni a ti.
