Campaign beihpui thlak chhim lam khaw hrang hrang fang mektu Pu Lalnghinglova Hmar hian vawiin khan Lawngtlai leh Siaha bakah a chhehvel khaw hrang hrangte a tlawh a, Lawngtlaiah thuthar thehdarhtute a kawm nghalin, tunhma a\anga a lo buaipui ve pakhat football-ah pawh thawhpui \ha tak tak a nei a, chungte nen chuan thawk hoin hnam dang hmelhriat a neihte zarah hmuh phak loh tura an ngaihah pawh an lo hlawhtling ve tawh \hin tih sawiin, engmah ni lo chunga hetiang hlawhtlinna an chang thei a nih chuan MP a nih hnu chuan tun aia hlawhtlinna nasa zawk a chan theih ngei a inbeisei tih a sawi. Pu Lalnghinglova Hmar chuan, MP a nih chuan central secretariat-te awlsam zawkin a dawr thei tawh dawn tih sawiin, hei bakah hian PSU leh corporate-te pawh awlsam zawkin a dawr thei dawn a, Mizoram tan hmasawnna tam zawk a hailut thei tawh dawn niin a sawi.
Lawngtlaia thuthar thehdarhtuten Autonomous District Council tana hmalak a tum dan an zawhna chhangin Pu Lalnghinglova Hmar chuan, danin ADC-te tana chanvo a pek dawn loh an neih leh neih loh te, an chanvo tur ang pek si danin a phut anga tihhlawhtlin loh a awm em tihte zirchian a nih tur thu sawiin, an chanvo tur dik taka an chan ngei theih nan theihtawp a chhuah tur thu a sawi a. Danin a pek an chanvo an chan ngei theihna tura hmalakpui chu a mawhphurhnaah a ngai dawn tih a sawi.
