Tukina Hnahthial Bazar-a vantlang inkhawm buatsaihah thusawiin, Pu Lalnghinglova Hmar chuan, Hnahthial mipuiten hun rei tak a\anga District Headquarters neih phut a, nasa taka an beih hnuah District puitling an lo ni dâwn ta chu a lawmpui takzet tih a sawi a. Hetihrual hian MP inthlan lo awm turah rorel lai MNF Party-in District thar vanga lawmthu sawina tia vote an dil chu thil inhmeh lo tak a ni, a ti a. MNF chu Sorkar thar siam turin mipuiten an vote tling tawh a, MLA inthlana an vote tlinte chuan lawmthu sawina atan District puitling an pe zawk tur a ni a, chutiang ni lova Lok Sabha inthlanaah lawmthu sawina atan vote an dil lét chu thil mak tak a ni, a ti.
Lalnghinglova Hmar chuan, Hnahthial chauh ni lovin Saitual leh Khawzawl mipuite pawh District puitling neih chu an phu reng a ni tih hria a, lawmthu sawina atan Lok Sabha inthlana vote chu an ba lo tih hre turin a chah a. MNF party chuan MLA inthlan dawnah an thlang tling a nih chuan District puitling an pek tur thu an intiam avangin, District puitling pek chu an phu reng a ni, a ti. Pu Lalnghinglova Hmar chuan, Lok Sabha inthlanna chu India rama roreltu thlanna tur a ni dawn tih sawiin, hetah hian BJP kaihhruai NDA lam\ang leh an mahni dotute an inbei dawn a, vanduaithlak takin MNF chu NDA ah an tel miau avangin, MNF candidate an vote chuan a tawpa BJP sorkar tir tumna tho a nih avangin BJP duh lotu zawng chu amah vote vek turin a sawm a. He inthlanah hian MNF an vote a, BJP-in thuneihna an chang a nih chuan Mizo mipuite duh loh em em Citizenship Amendment Bill Pass a nih dawn bakah hei aia hlauhawm zawk Uniform Civil Code kalpui tumtu an nih avangin Mizo kristiante tan vote chi an ni lo hrim hrim tih a sawi.
