MZP te chuan an lo sawi lawk tawh angin Pu C Lalrosanga hi pawndum nen an lo hmuak a, MNF Vice President, Pu Lalthlengliana hovin MNF Party mipuite chuan dam reng tura an duhsak thu aurualin an lo hmuak bawk a ni.
Hetihlai hian MZP pawhin an lo rel lawk tawh angin Lok Sabha rorel inkhawmah Citizenship Amednment Bill duh zawnga Vote a thlak duh loh lantir nan MP Pu C. Lalrosanga hi pawndum nen an lo hmuak a, Pu Rosanga chu a thutiamah ding lo nia sawiin, MP a nihna a\anga bang tura an phut thu an lo aurual ve thung a ni.
Pu Rosanga’n vawiina Lengpui \umhmun a lo thlen hma hian thuthar lakhawmtuten an hriat duh hrang hrang zawh an tum chu an party lamin an remtih loh avangin zawhna tam zawt lova CAA chungchanga a ngaihdan leh Lok Sabha rorel inkhawma a thusawi chungchang tlem a zawng sawi turin chanchinbumite leh MNF party hotute hian inremna an siam a, hetihlai hian Airport Terminal Building a\anga a lo chhuak chu mi pakhatin zawhna a lo zawh avangin an party miten chhan an remti lova, thuthar lakhawmtute beisei angin a ngaihdan pawh a sawi thei ta lo a ni.
