Vawiina Congress Bhawan inkhawmah thu sawiin Pu CL Ruala hian MNF party-in harsatna thuk takah mipui an hruai thlen theih avangin fimkhur a ngai hle a ni, a ti a, \angrual pawlin Candidate atana an vawrh chhuah Pu Lalnghinglova Hmar chu a fuh hle tih sawiin, amah hi \halaite chauhin an duh a ni lova, Bazar leh hmun hrang hrangah pawh nu leh kum upa lamte pawhin an lawm hle a, tling ngei turin a dinhmun a \ha hle a ni, a ti. Lok Sabha inthlanpui neih tur chu ram leh hnam tlukchhiat theihna leh dinchhuah theihna tura inbeihna nia sawiin chhiatna lak ata him turin mipuiten \angrual Candidate, Pu Lalnghinglova Hmar an thlan tlin ngei a ngai niin a sawi.
Pu CL Ruala chuan, Citizenship Amendment Bill chu Parliament chhunga dodal chi a ni a ti a, tun hnaia Chief Minister, Pu Zoramthanga’n CAB dodal turin Cabinet thutlukna hmanga den a nih tur thu a sawi chu a tlai tawh lutuk tih sawiin, kumin January thlaa Lok Sabha-a CAB putluh a nih lai khan MNF chuan engmah an sawi lo niin a sawi.
