Pu CL Ruala hian nimin khan Congress Bhavan-a inkhawmah thusawiin, Politics a khelh chhungin Congress Party Ticket-in \um 11 inthlan a hmachhawn a, he zinga \um 7-ah hnehna a chang tih a sawi a, hetiang dinhmun ropui taka a din theih chhan chu an Party hotute leh mipuite duhsakna a ni tih sawiin, Politics a khelh chhunga Pathian malsawmna tam tak a dawng chu a lawm hle tih a sawi.
Kum 2009-2014 chhunga Lok Sabha 15-na member a nih chhung khan Member zinga Parliament rorel inkhawma kal \ha bera thlan a nih thu leh hei hi midang tan chuan thil ho tak angin lang mah se, a tan chuan malsawmna ropui tak, Mizoram hming a tih \hatna a nih ve bawk avangin a lawm hle tih a sawi. Pu CL Ruala chuan, kum 2015-19-a Lok Sabha 16-na Member a nih ve chhungin Prime Minister-in MP hnathawk \hazual 3 a thlan zingah a tel leh tih pawh a sawi a, District Development and Monitoring Commitee hnathawk \ha thlan chhuah 3 zingah a hunlaia Mizoram a tel ve leh chu lawmawm a tih thu a sawi bawk.
Pu CL Ruala hian, Lok Sabha 16-na term kal lai chu June ni 3 hian a tawp tawh dawn tih sawiin, hemi rual hian tun hnaia sawihlawh em em Citizenship Amendment Bill pawh ama thih thih-in a thi ve nghal dawn a ni a ti a. Tuna ram puma Lok Sabha inthlanpui neih mekah he Bill duangtu BJP chu an sorkar leh a, an tinung thar leh a nih loh chuan an term tawp rualin he Bill pawh hi a thi ve nghal dawn a ni a ti.
