Nimina Congress Bhavan-a inkhawmah thusawiin, Pu CL Ruala chuan, BJP-in a lo tum lawk tawh angin India ram rorelna sang ber, Parliament House-ah hnam leh sakhaw tenau zawkte tana din him lo, Citizenship Amendment Bill chu an tharthawh leh mek a ni a ti a., MP-te tan Parliament-ah thusawina hun chan a har hle a, sorkar laite ngat phei chu an hotute’n sawi tur an ruat zel a, tuna Mizoram MP pawh hian inthlan dawnah CAB dodal a tum thu sawi mah se, sawina hun a nei ang em tih chu ngaihtuah tham a tling a, sorkar thlawptu lama \hu chung chuan CAB hi do a harsat hle a rin thu a sawi.
Pu CL Ruala chuan, MP a nih chhunga Session kal \ha berte zinga thlan a ni chu a lawmawm hle tih sawiin, hriselna petu Pathian vang liau liau a ni, a ti a. Hei mai hi ni lova District Level Monitoring Committee hma la \ha lawmman an dawng chu thil ropui tak a ni a, hei hi a thawhpui Rajya Sabha member, Pu Ronald Sapa Tlau \hahnemngaihna vang a ni tih a sawi.
