PM-in Lok Sabha leh Assembly inthlan, a ruala buatsaih \ha a tih thu a sawi leh a, ram tana thil \ha leh hnathawh chakna tur zawk niin a sawi. Nimina Constitution Day puala Delhi-a inkhawm buatsaihah Pu Narendra Modi-a chuan, kum chanve dan lek lekah inthlan a awm deuh ziah a, inthlan puan a nih hian Model code of conduct hman nghal zel a nih avangin sorkarin hnathawh tur lian tham pawh a puang thei tawh \hin lo a, a khát tawka inthlan buatsaih fo hi senso a hautak bawk si avangin kum nga danah Lok Sabha inthlan leh state tin Assembly inthlan buatsaih mai ni se, a karah inthlan buaipui ngai lovin hna a thawh theih dawn niin a sawi. Kum 2009 Lok Sabha inthlanpuiah khan cheng vbc. 1,100 hman a ni a, kum 2014-ah phei kha chuan vbc. 4,000 hman a ni a, hei hi inthlan buatsaihna senso chauh a la ni a, party leh candidate-te sum hmanral a la tel lo niin a sawi. Engemaw lai khan India ramah hian Lok Sabha leh Assembly inthlan hi a ruala buatsaih a lo ni tawh a, mahse chhan hrang hrang avangin inthlan \henkhat chu a hrana buatsaih a ngai ta zeuh zeuh a, tunah phei chuan a khát tawka inthlan buatsaih a ngai ta deuh reng niin PM chuan a sawi a, tunah hian Lok Sabha leh Assembly inthlan hi a ruala buatsaih leh theih dan ngaihtuah a \ul hle tawh a ni, a ti bawk. Ram \henkhatah chuan inthlan hun tur ruat fel sa thlap a awm a, chu chu an zui mai a, a karah inthlan lam hawi engmah a awm loh avangin, an rilru zawng zawngin hmasawnna hna an thawk thei niin a sawi bawk. Kum 2014 Lok Sabha inthlanpui-a BJP manifesto-ah khan a ruala Lok Sabha leh Assembly inthlan buatsaih dan kawng ruahman, tih a tel a ni.
Chanchin Thar Lok Sabha leh Assembly inthlan a ruala buatsaih PM tha tih thu...
