Mizoram hmun hrang hrangah tun dinhmunah BSF battalion pali – 159 battalion, 61 battalion, 1st battalion leh 90 battalion awm mekin, battalion tin atangin company khat \heuh chu inthlan vuakvetah venhim hna thawk turin state pawna tirh an ni a, tun \um bika khauh lehzuala venhimna kalpui a ngaihna hmun West Bengal state huamchhunga parliamentary constituency hrang hrangah duty tir an ni.
State pawna inthlanpui neihna hmunah BSF battalion tin atanga company khat zel an duty avangin, company pasarih awmna battalion tinah company paruk an awm mek a, battalion tina sipai 1100 velte chu 140 vel zelin kiam phah mah se, Mizoram chhunga India leh ram dang inrina a ralmuan hlawm avangin, ramri ven kawngah harsatna an tawh phah hran lo tih, BSF hotute chuan zawhna chhangin an sawi.
