He thu hi Chalfilh leh Tuivawl bial khaw hrang hranga Campign beihpui a thlak meknaah sawiin, Pu C. Lalrosanga chuan, kum engemaw zat kal tawh \ang khan ‘Wake up Mizoram Ministry’ an din hmangin Politics kalphung a \hat theih nan nasa takin an lo tlangau tawh nia sawiin, chumi chhanna chu tuna Pu Zoramthanga kaihhruai Sorkar thar lo piang ta hi a ni, a ti a. MNF sorkar thar chuan thla hnih thum chhung lekin Congress sorkar kum 10 thawh hen deuh thaw hna an thawk hman a ni, a ti. Pu C Lalrosanga chuan, Asembly inthlan dawn khan Party hrang hrangin Candidate turin an sawm tih a sawi a, tuna Lok Sabha inthlan turah pawh Congress-in an party Candidate tur an sawm thu leh Pathian kohna ni theia a hriat loh avanga a hnar thu sawiin, hetihlai hian Lal Isuan ram tina chanchin\ha hril tura mihringte a tih angin Pathian leh kan ram tan titu MNF party a\anga MP a nih chuan tih theih a awm tih a hriat avangin MNF in an sawmna chu lungsi takin a pawm ta zawk niin a sawi.
Pu C.Lalrosanga chuan, Mizoramah MNF a sorkar avangin Sorkar laipuia Scheme hrang hrang haichhuahna tura an ruahman anga kalpui tur MP neih a \ul tih a sawi a, kum 40 vel Sorkar hna a thawh chhungin MP hrang hrang dawrin tawnhriat \ha tak a neih thu leh Parliament chhung leh pawn lama hmalakna turah pawh a mikhual dawn lo tih a sawi a. Ramri chungchang bakah Mizo hnam leh sakhua huamhalh a ngai tih a hriat thu leh hemi atan theihtawp a chhuah tur thu a sawi.
CAB chungchang chu an khingpuiten MNF puh chhiat nan nasa takin an hmang tih sawiin, Pu C Lalrosanga chuan, CAB chu CM pawhin Prime Minister leh Union Home Minister pawh a sawipui tawh thu leh Councils of Minister \hukhawm pawhin an duh loh thu an pass tawh bakah Parliament-ah pass tuma hma an lakna chu MNF chuan a thlawp ngai dawn lo tih a sawi a. Ram tana \ha lo turah chuan NDA leh NEDA chu MNF in a thlawp dawn lova a \ha turah erawh chuan thlawp a pawi niin sawi. Pu C Lalrosanga chuan, BJP zawm leh zawm loh chungchanga an khingpuite puhna chu thu bulbal nei lo a nih thu sawiin ching tawh lo se a duh tih a sawi a ni.
