Pu Lalnghinglova Hmar hian tukin khan Mission Veng Bazarah Campaign beihpui thlakin thu a sawi a, Hindu sakhaw vulh len tumtu BJP hmalakna chu hnam leh sakhaw tenau zawkte tan tawrhna nasa tak a nih mek avangin chumi dodal tura ke pen chhuak a ni, a ti a. Tunah hian Missionary-te, Pastor leh rawngbawltuten nasa takin an tuar mek a, hei hi a reh a, India ramah sakhaw zalenna a awm theih nan tun \um chu Party-a an nihna dah\haa amah chu Vote vek turin a ngen a. Mipuite chu vote an thlak dawnah ngaihtuahna fim tak hmang tur leh BJP lam \ang nge, BJP dodaltu an duh tih chik taka ngaihtuah turin a sawm a ni.
Pu Lalnghinglova Hmar chuan, candidate dangte aia a \hat zawkna awm lo mah se, \halai zawk, tha chak zawk leh theihna zawng zawnga ram tana inpe tur a nih avangin mipuiten an vote ngei a beisei tih a sawi a, thlan tlin a nih chuan Mizo mipuite duh loh em em Citizenship Amendment Bill chu theihtawp chhuaha dodal a tum thu te, Mizoram leh Sorkar laipui inthlunzawmna \ha zawk siam te, MP fund awmsa piah lama Mizoram tana sum tam zawk hai chhuah a tum tur thu sawiin, Look East Policy chu Mizoram ei leh bara intodelh theihna tur a nih avangin a hlawhtlin tura na zawka nawr chu a ngaih pawimawh tur thu leh thalaite tana kawng kawhhmuh a, eizawnna ngelnghet an neih theih nana \anlakpui te, kut hnathawktuten an thawhrimna rah an tel theih nana theihtawp chhuahpui chu a thiltum langsar a ni tih a sawi.
