Vawiina ZPM chhung inkhawma thu a sawinaah Pu Lalnghinglova Hmar chuan, inthlanna kha chhan nei leh vang neia hmachhawn a ni tih sawiin, Mizoram tan vawi khat dam dawn a, a theih ve laia chumi Mizoram tana a tih theih ang ti tura sawmna a dawn a tihlawhtling chu a lawm hle a ni, a ti. Pu Lalnghinglova Hmar chuan, amah thlawptu ZPM leh Congress Party-in an thlawpnaah lawmthu a sawi a, tling zo ta lo mah se, ram leh hnam tana an beihna chu a thlawn dawn lova tun \um chauh hi inthlan tur a nih lova, hmun dang leh \um dangah pawh an la bei chho zel dawn a ni, a ti a. Inthlanna an hmachhawn chhunga ZPM hruaituten theihtawpin an pui a, MLA \heuhten an bialah theihtawpa an pui bawk chu a lawm hle tih a sawi. Mizo mipuiten Politics an thlir dan leh Social Media-a thu inchuh an sawi ho dan chu tun aia \angkai zawk a nih a, hma an sawn theih a duh tih sawiin, Pu Lalnghinglova Hmar chuan, Social Media hmanga ram siam an tum dan leh an sukthlek chu tun aiin ti sang hret se a duh sak tih a sawi a. Mizoram hmun hrang hranga amah vote-tu mipui zawng zawng chungah lawmthu sawiin, vote hmuh tlem deuhna bial nei mah se, a tlangpuiin bial tinah vote a hmu\ha a, bial thenkhatah phei chuan khaw tinah mai ni lo Booth tinah chaknate pawh an nei a, a pumpuia result khaikhawmnaah chak zo ta lo mah se, chak loh chhuanlam neih a tum lo tih a sawi a. Hetihrual hian, mizo mipuite chu an duh leh do chiang tlang se, tunge ram leh hnam tana \ha lo tih hriaa, an party an nih vanga ngawta vote mai lovin ram leh hnam tan enge tih an tum tih leh enge an tih theih tih chhut nachang hre tura a duh thu a sawi a ni.
Aizawl West I Bye Election-a |angrual Pawl Candidate, Pu Lalbuanga Sailo pawhin, amah thlawptu Party pahnihte thawh honaah sawisel tur a nei lo tih a sawi a. An campaign chhung zawnga theihtawp an chhuahpuinaah a lawm hle tih a sawi. Pu Lalbuanga Sailo chuan, inthlannaah tling zo ta lo mah se, ram tana \hahnem a ngaihna leh mawhphurhna neia a inhriatna hlen chhuaka a inngaih thu a sawiin, ram leh hnam tan dik leh \ha nia a hriat tihhlawhtlin tuma a beihna chu hlawhtling zo lo mah se, a lawm hle tih a sawi.
He inkhawm hi ZPM General Secretary, Pu James Lalnuntluanga’n a kaihruai a. ZPM Steering Committee Chairman, Pu Lalliansawta chuan, an Candidate 2-te chungah ZPM chu an lawm hle a ni, a ti a. An thawhpui Congress Party chungah lawmthu a sawi bawk.
