Vote thlak thawh 7-naah hian state 7 leh Union Territory 1-a bial 59-ah ni 19 khian mipuiten vote an thlak dawn a, PM Modi chuan Madhya Pradesh-a Ratlam, Punjab-a Bathinda leh Himachal Pradesh-a Solan-ah vantlang inkhawm a huaihawt a, Modi hian Congress party chu an rorel chhunga mahni hma sial taka thil tiah a puh a, mipui te bumin an hlawkna tur thil chauhah hma an la a ni a ti a, kum 1984-a Sikh mi leh sa suat an nih chungchanga Congress hotu Sam Pitroda-a’n ngaihsam taka “Thil thleng chu a thleng zo tawh a, tih vak ngaihna a awm lo” tih a sawi chu Congress party chapozia lan chhuahna a ni a ti.
Congress President Rahul Gandhi chu Punjab-a Ludhiana leh Hoshiarpur-ah a campaign a, Kum 1984-a sikh te chunga kutthlakna thleng chungchangah Congress hotu Sam Pitroda thusawi chu a pawmpui loh thu sawiin a thusawi dan chu thil dik lo leh zahthlak tak a nih thu leh ram mipuite ngaihdamna dil tura a hrilh tawh thu a sawi a, kum 1984-a thil thlengah khan pawikhawihtu apiang chu hrem tur an ni a, hemi chungchangah hian inhnialna tur engmah a awm lo a ni a ti.
Priyanka Gandhi chuan Madhya Pradesh-a Ratlam-ah mipui hmaah thu a sawi a, Indore-ah road show a huaihawt bawk a, Delhi Chief Minister Arvind Kejriwal chuan Punjab-ah vantlang inkhawm a huaihawt a, BSP hotu Mayawati chuan Uttar Pradesh-a Gorakhpur leh Ghazipur-ah te mipui hmaah thu a sawi bawk a ni.
PM Modi-a’n Mayawati chu Alwar-a Dalit mi pawngsual rawn chungchanga pawi ti awm taka lem changah a puh a, hei hi Mayawati chuan chhangletin Modi chu Dalit mi te hmangaih derah puhin, Dalit mite chunga pawikhawihna leh awpbehna a thlen laiin dan tuma hma a lak ngai loh abakah an thlavang hauh pawhin a \awng chhuak ngai lo a ni a ti a, Modi chu politicis-a ham\hatna um vanga a nupui pawh kalsanah puhin hetiang ang mi, mahni nupui ngei pawh ngaihsak lo hian hmeichhiate zahna a lan tir theih a rin awm loh tih sawiin hmeichhiate chu vote lo turin a chah a ni.
