Inthlanpui vote thlak thawh 3-naah hian Gujarat-a bial 26, Kerela-a bial 20, Goa-a bial 2, Dadra and Nagar Haveli leh Daman and Diu-a bial 1 ve ve, Maharashtra leh Karnataka-a bial 14 ve ve, Uttar Pradesh-a bial 10, Chhattisgarh-a bial 7, Odisha-a bial 6, Bihar leh West Bengal-a bial 5 ve ve leh Assam-a bial 4-ah leh Jammu and Kashmir-a Anantnag bialah te mipuiten vote an thlak a, Tripura east bial, inthlan hun sawn hlatna bialah pawh mipuiten vote an thlak bawk a, Gujarat-a assembly seat 4 leh Goa-a seat 3 ah te bye-poll neih a ni bawk.
Inthlan thawh 3-na hi langsar bera ngaih a ni a, BJP hotu Amit Shah chu Gujarat-a Gandhinagar-ah a ding a, Congress president Rahul Gandhi chu Kerela-a Wayanad-ah a ding bawk a ni.
Thawh 3-naah hian EVM chian loh thu sawn nual a ni a, Kerela, Assam leh Goa-ah chuan vote thlak hi tihkhawtlai lailawk a ni a, Goa-ah chuan EVM hi thlak an ni hlawm. Uttar Pradesh-ah inthlan buaipuitu pakhat chu vote thlak turte Samajwdi party chhinchhiahna thirsakawr lem hmet tura a hrilh nia sawi a awm avangin BJP worker ten kut an thlak a, West Bengal-a Murshidabad-ah Trinamool Congress mi 3 chu bomb-a vawm an nih avangin an hliam bawk. Tripura-a Rajdhanpara-ah khaw mipuite chu kar khat chuang khawsikin a tihbuai avangin vote thlak thei an tlem hle bawk a ni.
