Congress president Rahul Gandhi chu April ni 23-a vote thlakna tur Kerela-ah a campaign a, Alappuzha leh Thiruvanathapuram a tlawh zawhah a dinna tur bial Wayanad a tlawh a, hetah hian Thirunelli temple a tlawh a ni. Chhun lamah Batherby, Thiruvambady leh Wandoor-ah mipui hmaah thu a sawi a, tlai lamah Palakkad, Ponnani leh Alathur-a candidate ding turte nen Chalissery-ah campaign programme a hmang bawk a ni. Rahul Gandhi chuan a thusawinaah mipuite chu an tih tur leh a ngaihdan hrilh turin an hmaa a din loh thu leh an thinlunga an thil vawnte hriatthiamsak a duh zawk tih a hrilh a, thla engemaw chhung lek inkungkaihna nei tur ni loin dam chhunga mipuite nen inzawm a duh thu a sawi bawk a ni.
PM Narendra Modi chuan Solapur district-a Madha biala Akluj-ah vantlang inkhawm a buatsaih a, Gujarat-ah vantlang inkhawm 5 a huaihawt bawk a, Amreli pawh tlawhin Himatnagar, Surendrangar leh Anand-ah te vantlang inkhawm a huaihawt dawn bawk a, ni 21 khian Patna a tlawh ang. Modi hian Thawhlehni-a Gujarat, Rajasthan, Madhya Pradesh, Manipur leh ram chhung hmun danga ruah leh thli tleh vanga mitthi leh hliam an awm chu pawi a tih thu a sawi a, mitthi 25 chhungte hnenah Prime Minister’s National Relief Fund a\angin nuai 2 \heuh pek a tiam a, hliam tuarte hnenah cheng 50,000 pek a tiam a. Sorkar chuan theih tawpin \anpui ngaite \anpui a tum a ni a ti.
