Inthlan thawh 2-na atan campaign hun ni 2 chauh a awm tawh a, political party hotu te’n mipuite vote hmuh nan ram chhung hmun hrang hrangah campaign an kalpui a, PM Narendra Modi chuan Jammu-ah leh Uttar Pradesh-a Aligarh leh Moradabad-ah te rally a huaihawt a, a sorkar chuan mifirfiakte nuai bo a, eirukna leh retheihna do an tum thu a sawi a ni.
BJP hotu Amit Shah chuan Gujarat-a Gir Somnath-ah mipui hmaah thu a sawi a, Banaskntha-ah roadshow a huaihawt bawk a, BJP hotu Rajnath Singh, Dr Mahendra Nath Pandey, Mahesh Sharma leh hruaitu dangte’n Mathura, Fatehpur Sikri, Badayun, Rampur leh hmun dangahte rally an huaihawt bawk a ni.
Congress President Rahul Gandhi chuan Agra, Gujarat-a Bhavnagar leh Maharashtra-a Nanded-ah rally a huaihawt a, Pathianni khan Congress General Secretary Priyanka Gandhi Vadra chuan Assam Silchar-a roadshow a huaihawtah Congress-in Assam duhsak bikna, special status a pek chu BJP-in a hlihsak niin a sawi.
BSP hotu Mayawati chuan Aligarh leh Amroha-ah mipuite hmaah thu a sawi a, Samajwadi President Akhilesh Yadav chu Kasganj leh Moradabad-ah a campaign bawk a ni.
Vote thlak thawh 2-naah hian Tamil Nadu-a bial 39, Karnataka-a bial 14, Maharashtra-a bial 10, Uttar Pradesh-a bial 8, Assam, Bihar leh Odisha-a bial 5 \heuhah, Chhattisgarh leh West Bengal-a bial 3 ve ve-ah, Jammu and Kashmir-a bial 2 leh Manipur, Tripura leh Puducherry-a bial 1 \heuhah Ningani khian vote thlak a ni dawn a ni.
