PM Narendra Modi chuan Arunachal Pradesh-a Pasighata rally-ah thu sawiin mipuite \awiawmna avangin state chhungah hmasawnna hna an thawk mek tih sawiin, Arunachal Pradesh leh hmar chhak bial pumpui chu Asia chhak lam ramte nena in pawh tawnna “gateway of East Asia”-a siam a duh thu a sawi a, Arunachal Pradesh thar-ah inpawhna \ha leh sum hnar \ha zawk a awm theih nan hnathawh a tum thu a sawi. Congress manifesto chu pawnlang maia \hat tumna a ni tiin a sawisel a, BJP sorkar chuan loneitute an phatsan ve lo nia sawiin, thlai chi a\anga thlai an zawrhna tur thleng PM KISAN scheme hnuaiah ngaihtuahsak an ni a ti. PM hi West Bengal leh Maharashtra-ah a campaign bawk.
BJP President Amit Shah chuan Uttarakhand-a Uttarkashi leh Jammu and Kashmir-a Udhampur leh Rajouri-ah rally a huaihawt a, BJP hotu Yogi Adityanath chuan Uttar Pradesh-a Meerut, Baghpat leh Ghaziabad-ah rally a huaihawt bawk a ni.
West Bengal CM leh Trinamool Congress hotu Mamata Banerjee chuan inthlan thawh 1-na leh thawh 2-naa seat 5 awmna, North Bengal-a Cooch Behar-ah rally a huaihawt a, Congress President Rahul Gandhi chu Nagaland-a Dimapur leh Assam-a Golaghat leh North Lakhimpur-ah a campaign a ni.
