Parliament in pahnih-ah rorel theih lohin buaina a chhuak leh a, Rajya Sabha-ah chuan vawiin khan Payment of Gratuity (Amendment) Bill pass a ni a, hemi hnu hian TDP, AIADMK leh Congress MP \henkhat chu Chairman dawhkanah pungkhawm lehin inkhawm an au buai leh a, inkhawm \an a\anga minute 17 lekah Chairman, Vice President Venkaiah Naidu chuan inkhawm a titawp ta a ni. Pu Naidu chuan Congress MP hlun, Motilal Vora chu inkhawma tel \ha tak leh zahawm taka awm, inkhawm tibuai ngai lo a nih thu leh, MP naupang zawkte’n entawn se a duh thu a sawi a ni.
Lok Sabha-ah pawh TRS Congress leh AIADMK MP-te inkhawm laia an au buai leh avangin Speaker Sumitra Mahajan chuan inkhawm a titawp leh. Pu Sumitra chuan ni li kalta-a No-Confidence Motion lo put luh tawh chu tun dinhmunah ngaihtuah theih a la ni lo tih a sawi a, inkhawm a kal tluan theih hma chuan motion pahnih a dawn tawh-te chu sawiho tura pharh a tum loh thu a sawi a ni. Lok Sabha inkhawmah hian Zawhna Hun a\angin AIADMK leh TRS Congress MP-te chu an au buai leh nghal a, Congress leh Left party-te chuan in auh buai titawp tur leh No-Confidence Motion sawihona hun hawng turin an ti ve bawk a ni.
