Finance Minister Piyush Goyal-a chuan budget hi mi hausa leh mi vantlang, rinawm taka chiah pe \hin te’n an hlawkpui tur thu a sawiin cheng nuai 9.5 hlawh chin chhiah pe \hin te’n savings leh medi-claim-ah an invest emaw education loan an lak emaw chuan chhiah pek a\anga awl theih an nih tur thu a sawi.
Pradhan Mantri Awas Yojana hnuaia loan la, hlawh tlem zawk hlawhte pawhin chenna In an neih theih tur thu a sawi a, Independence Day vawi 75-na hmaa ram mipui te’n mahni puala in an neih \heuh theihna turin sorkarin hma a la a, home loan cheng nuai 6 chinah za-a 6.5 pungin, kum 20 chhung rulh theih tur ruahmanna siam a ni a ti.
Goyal hian GST kalpui mekah sorkarin sumdawnna te nau te humhalh a tum thu a sawi a, Pawisa hlutna tlahniam vanga thil man sanna nikum December-a za-a 2.19 chu January thlaah chuan 2.05-ah a tlahniam a, sorkarin a khuahkhirh \hatzia a tilang a ni a ti a ni.
TMC MP Saugata Roy chuan sorkar hmalak tumna te chu vote zawnna mai a ni a ti a, ram pawn lama sum chheprelh black money laklet, PM-in a tiam chu tih hlawhtlin a ni lo nia sawiin kum 2016-a sorkarin cheng 500 leh 1000 note a tih hlum avangin mi tam takin eizawnna an hloh a, mi \henkhat an intihhlum phah bawk a ni a ti. CPI(M) member M B Rajesh chuan tun sorkar hnuaiah hian kum 40 chhunga hna nei lo tam ber \um a thleng a ni a ti a, ram pawna bungraw hralhchhuah te chu za-a 15-a a tlakhniam thu sawiin sorkar chu sumdawnna ngelnghet ngaihthah-a sumdawndan awlsam ringawt buaipuiah a puh a ni.
